អន្តរជាតិ៖ ក្រសួងការបរទេសអ៊ីរ៉ង់កាលពីថ្ងៃចន្ទទី៣ ខែមករា បានប្រកាសថាកិច្ចពិភាក្សារវាងអ៊ីរ៉ង់និងសហរដ្ឋអាមេរិកបានឈានមកដល់ជុំចុងក្រោយនៃកិច្ចចរចាដើម្បីសង្គ្រោះកិច្ចព្រមព្រៀងនុយក្លេអ៊ែរឆ្នាំ២០១៥ ដែលបានជាប់គាំង។

អ្នកនាំពាក្យក្រសួងការបរទេសលោក សាអ៊ីត ខាទីបហ្សាដេ (Saeed Khatibzadeh) បានប្រាប់សន្និសីទសារព័ត៌មានថា បច្ចុប្បន្ននេះមានសញ្ញាវិជ្ជមានក្នុងរឿងចំនួនបួន ក្នុងនោះរួមទាំង ការដាក់ទណ្ឌកម្មប្រឆាំងនឹងទីក្រុងតេអេរ៉ង់ ក្នុងអំឡុងពេលនៃកិច្ចចរចាជុំទីប្រាំបី ដែលបានបន្តនៅទីក្រុងវីយ៉ែននៅថ្ងៃទី២៧ ខែធ្នូ។

គួររំលឹកផងដែរថា ដោយសារតែកិច្ចព្រមព្រៀងឆ្នាំ២០១៥ បានដកទណ្ឌកម្មប្រឆាំងនឹងទីក្រុងតេអេរ៉ង់ ជាថ្នូរនឹងការរឹតបន្តឹងលើសកម្មភាពផលិតអាវុធនុយក្លេអ៊ែររបស់ខ្លួន។ បន្ទាប់មកប្រធានាធិបតី ដូណាល់ ត្រាំ (Donald Trump) បានដកទីក្រុងវ៉ាស៊ីនតោនចេញពីកិច្ចព្រមព្រៀងនេះឯកតោភាគីនៅក្នុងឆ្នាំ២០១៨ ដោយដាក់ទណ្ឌកម្មឡើងវិញរបស់សហរដ្ឋអាមេរិកលើទីក្រុងតេអេរ៉ង់ ហើយអ៊ីរ៉ង់ក្រោយមកក៏បានបំពានទៅលើកិច្ចព្រមព្រៀងខាងលើនេះផងដែរ។

បន្ទាប់មកអ៊ីរ៉ង់បានបដិសេធមិនជួបផ្ទាល់ជាមួយមន្ត្រីអាមេរិក ដែលមានន័យថាភាគីផ្សេងទៀតដូចជា រុស្ស៊ី ចិន បារាំង អង់គ្លេស អាល្លឺម៉ង់ និងសហភាពអឺរ៉ុប ត្រូវតែរើសរវាងភាគីទាំងពីរ។

កិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ បានពន្យាពេលយូរគួរសម ដែលអាចឲ្យអ៊ីរ៉ង់មានពេលវេលាដើម្បីចម្រេញសារធាតុនានាដើម្បីធ្វើអាវុធនុយក្លេអ៊ែរបាន៕